Lajme Archives - AKISA

Njoftim Zyrtar mbi Aksidentin Ajror në Azzano Mella, Itali

Ira Angoni — Fri, 25 Jul 2025 12:44:19 +0000

AKISA informon se më datë 23 korrik 2025, një aeroplan ultralight është përfshirë në një aksident fatal në zonën e Azzano Mella, në veri të Italisë. Ngjarja ka rezultuar me humbje jete dhe dëme të tjera në infrastrukturë rrugore.

Autoriteti italian përkatës (ANSV) ka nisur hetimin në përputhje me standardet ndërkombëtare të përcaktuara në Aneksin 13 të ICAO-s. AKISA është në kontakt me palën italiane dhe po ndjek zhvillimet në kohë reale, duke qenë e gatshme të angazhohet nëse kërkohet përfshirja si palë vëzhguese.

Për çdo zhvillim të mëtejshëm, publiku do të informohet në kohë dhe në mënyrë zyrtare.

AKISA – Autoriteti Kombëtar i Investigimit për Sigurinë e Operimit në Aviacionin Civil

VENDIM PËR HAPJEN E PIKËS SË KALIMIT KUFITAR NË AEROPORTIN NDËRKOMBËTAR TË VLORËS

Ira Angoni — Thu, 17 Jul 2025 09:20:33 +0000

K R Y E M I N I S T R I

EDI RAMA

Në mungesë dhe me porosi

ZËVENDËSKRYEMINISTRI

BELINDA BALLUKU

***

V E N D I M

PËR

HAPJEN E PIKËS SË KALIMIT KUFITAR NË AEROPORTIN NDËRKOMBËTAR TË VLORËS

Në mbështetje të nenit 100 të Kushtetutës dhe të pikës 1, të nenit 8, të ligjit nr.71/2016, “Për kontrollin kufitar”, të ndryshuar, me propozimin e ministrit të Brendshëm, Këshilli i Ministrave

V E N D O S I:

1. Hapjen e pikës së kalimit kufitar në Aeroportin Ndërkombëtar të Vlorës për qarkullimin ndërkufitar ajror të shtetasve.

2. Ngarkohen Ministria e Brendshme, Ministria e Infrastrukturës dhe Energjisë, Ministria e Financave dhe Ministria e Bujqësisë dhe Zhvillimit Rural për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

ON CLOUD NINE+: Workshop dhe Takim B2B për Zhvillimin e Lidhjeve Ajrore Rajonale

Ira Angoni — Thu, 10 Jul 2025 11:51:22 +0000

Më 1 dhe 2 Korrik 2025, Autoriteti i Aviacionit Civil Shqiptar organizoi në Tiranë workshopin dhe takimin B2B të projektit ON CLOUD NINE+, të financuar nga Programi Interreg IPA South Adriatic.

Të dy aktivitetet bashkuan përfaqësues nga sektori i aviacionit, kompanitë e sigurimeve, turizmit dhe autoritetet publike nga Shqipëria, Italia dhe Mali i Zi, me synim forcimin e bashkëpunimit ndërkufitar dhe nxitjen e një modeli më të qëndrueshëm dhe gjithëpërfshirës të lidhjeve ajrore në rajon.

Workshopi u fokusua në harmonizimin e kuadrit ligjor mbi përgjegjësinë në transportin ajror dhe sigurimet për palët e treta, ndërsa takimi B2B shërbeu si një hap konkret drejt krijimit të partneriteteve dhe zhvillimit të itinerareve të përbashkëta turistike, të mbështetura nga lidhje të reja ajrore.

AKISA merr pjesë në mbledhjen ndërinstitucionale për rishikimin e Planit Kombëtar të Kërkim-Shpëtimit

Ira Angoni — Thu, 10 Jul 2025 11:47:45 +0000

AKISA merr pjesë në mbledhjen ndërinstitucionale për rishikimin e Planit Kombëtar të Kërkim-Shpëtimit

Më datë 26 qershor 2025, nën drejtimin e Zëvendësministres së Mbrojtjes, znj. Blerina Abrazhda, u zhvillua mbledhja e grupit të punës ndërinstitucional për rishikimin e Planit Kombëtar të Kërkim-Shpëtimit në Republikën e Shqipërisë, në zbatim të urdhrit të Kryeministrit.

Në këtë tryezë morën pjesë përfaqësues nga institucionet kyçe që luajnë rol në reagimin ndaj incidenteve ajrore dhe detare. AKISA, si Autoriteti përgjegjës për hetimin e sigurisë në aviacionin civil, ishte e pranishme për të kontribuar me ekspertizën e saj në përmirësimin e strukturave të reagimit në raste emergjencash.

Qëllimi kryesor i këtij procesi është forcimi i bashkëpunimit ndërinstitucional dhe përmirësimi i mekanizmave ekzistues të reagimit, duke siguruar një plan të përditësuar dhe në përputhje me praktikat më të mira ndërkombëtare në fushën e kërkim-shpëtimit ajror dhe detar.

AKISA mbetet e përkushtuar në misionin e saj për të garantuar sigurinë në aviacionin civil dhe për të kontribuar aktivisht në ndërtimin e një sistemi kombëtar të koordinuar dhe efektiv për menaxhimin e incidenteve.

https://www.instagram.com/p/DL7RJSeoAnB/?igsh=MWk2cGE4eDVucWE1bQ%3D%3D&img_index=1

Akisa dhe QKKSH nënshkruan sot një marrëveshje: Koordinimi institucional lidhur me investigimin e ngjarjeve të transportit ajror sipas standardeve dhe praktikave të rekomanduara të ICAO-s

admin — Fri, 01 Mar 2024 13:34:28 +0000

Akisa(Autoriteti Kombëtar i Investigimit për Sigurinë e Operimit në Aviacionin Civil) dhe QKKSH (Qendra Kombëtare e Kërkim Shpëtimit) nënshkruan sot një marrëveshje bashkëpunimi përsa i përket: Koordinimit institucional lidhur me investigimin e ngjarjeve të transportit ajror sipas standardeve dhe praktikave të rekomanduara të ICAO-s. Bashkëpunimi, përdorimi i burimeve të disponueshme dhe harmonizimi i rregullbërjes janë në përputhje me kërkesat e Aneksit 12-13 te ICAO.

AAC dhe AKISA nënshkruajnë dy marrëveshje bashkëpunimi: Koordinimi i aktiviteteve dhe Implementimi efektiv i standardeve

admin — Tue, 20 Feb 2024 15:47:34 +0000

AAC dhe AKISA nënshkruan dy marrëveshje bashkëpunimi përsa i përket: Koordinimit të aktiviteteve, lidhur me investigimin e ngjarjeve të transportit ajror dhe Implementimit efektiv të standardeve dhe praktikave të rekomanduara të ICAO-s. Bashkëpunimi, përdorimi i burimeve të disponueshme dhe harmonizimi i rregullbërjes janë në përputhje me kërkesat e Aneksit 13.

An Airbus A350-900 (JA13XJ) Japan Airlines is on fire at Tokyo’s Haneda Airport after arriving from Sapporo as #JL516.

admin — Wed, 03 Jan 2024 08:53:07 +0000

An Airbus A350-900 (JA13XJ) Japan Airlines is on fire at Tokyo’s Haneda Airport after arriving from Sapporo as #JL516. There were 379 people on-board. Photos: twitter.com/NH_star773

Update / Japan Coast Guard says one of its aircraft has collided with Japan Airlines plane at HDN Airport. Photos: https://lnkd.in/d2Ey4YEa

Gëzuar 2024! Qoftë një vit i mbarë për çdo familje shqiptare. Shëndet, lumturi dhe sukses në të gjitha sfidat që vijnë. Mirësia dhe begatia të ulen këmbëkryq në vatrat tuaja!

admin — Wed, 03 Jan 2024 08:39:34 +0000

Me Kryeministrin Edi Rama në kantierin ku po ngrihet aeroporti ndërkombëtar i Vlorës

admin — Fri, 01 Dec 2023 16:39:58 +0000

Me Kryeministrin Edi Rama në kantierin ku po ngrihet aeroporti ndërkombëtar i Vlorës. Po punohet paralelisht për përfundimin e pistës, ngritjen e terminalit, kullës së vrojtimit dhe të gjithë infrastrukturës tjetër aeroportuale. Po ecim sipas grafikut të përcaktuar, ndërkohë që kemi nisur nga puna edhe me trajnimin e kontrollorëve të trafikut ajror të cilët do të shërbejnë në këtë aeroport. Shqipëria do të ketë shumë shpejt aeroportin e tretë ndërkombëtar, si një mundësi më shumë për të aksesuar më shpejt e më lehtë vendin tonë, por edhe një urë lidhëse të re me vendet e tjera.

Nga kantieri i aeroportit të Vlorës, ku punimet po avancojnë çdo ditë për të përmbyllur gjithçka në afatin e premtuar.

admin — Fri, 01 Dec 2023 15:25:34 +0000

https://akisa.gov.al/wp-content/uploads/2023/12/aeroporti-vlore.mp4